वसमत टी पाँइंट ते नागेशवाडी रस्ता २२ आँगस्टची मध्यरात्र ते २३ आँगस्टची मध्यरात्र बंद राहणार
——————-
प्रतिनिधी :
——————
दरवर्षी पोळा सणाच्या दुसर्या दिवशी म्हणजे कर सणाच्या दिवशी वसमत तालुक्यातील कुरुंदा पोलीस स्टेशन हद्दीतील मौजे वाई येथील गोरखनाथ मंदिराथ येथे महापोळा भरला जातो. यासाठी हिंगोली, लातूर, परभणी व नांदेड जिल्ह्यातील जवळपास १० ते १५ हजार बैलजोड्या दर्शनास व प्रदक्षिणा मारण्यासाठी घेऊन येतात. त्यामुळे वसमत-औंढा रोडवरील वाहतूक मार्गात बदल करण्यात येत असल्याचे जिल्हादंडाधिकारी यांनी कळविले आहे.
पोळ्याच्या दुसऱ्या दिवशी कर सणानिमित्त वाई येथे बैलांची व बैल फिरविण्यासाठी आणणाऱ्या लोकांची बरीच गर्दी होते. हा रस्ता राज्य महामार्ग असल्याने या रोडवर वाहतूक मोठ्या प्रमाणावर चालू असते व या दिवशी वाहतूक चालू राहिल्यास अपघात होऊन कायदा व सुव्यवस्थेचा प्रश्न निर्माण होण्याची शक्यता असल्याने वसमत टी पॉईंट ते नागेशवाडीपर्यंत रहदारीचा रस्ता हा २२ ऑगस्ट, २०२५ च्या मध्यरात्रीपासून ते २३ ऑगस्ट, २०२५ रोजीच्या मध्यरात्रीपर्यंत बंद करण्यात येऊन नांदेडकडून येणारी वाहतूक वसमत, झिरो फाटा, हट्टा जवळा बाजारमार्गे नागेशवाडी असे पर्यायी मार्गाने छत्रपती संभाजीनगरकडे व छत्रपती संभाजीनगरकडून नांदेडकडे जाणारी वाहतूक ही नागेशवाडी, जवळा बाजार, हट्टा, झिरो फाटामार्गे वसमत ते नांदेडकडे वळविण्याचे आदेश जिल्हादंडाधिकारी यांनी दिले आहेत.
या आदेशाची माहिती पोलीस अधिकारी वाहतूक यांनी ध्वनीक्षेपकाद्वारे प्रसिध्द करावी व सर्व उपविभागीय दंडाधिकारी, तहसीलदार, नगर परिषद, पोलीस स्टेशन कार्यालयाच्या सूचनाफलकावर डकवावी. आदेशाचे उल्लंघन करणाऱ्या विरुद्ध नियमानुसार कार्यवाही करण्याचे आदेशही त्यांनी दिले आहेत.
