बँकांनी विविध योजनेत देण्यात आलेले उद्दीष्ट वेळेत पूर्ण करावेत – जिल्हाधिकारी राहुल गुप्ता

बँक व्यवस्थापकांच्या बैठकीत जिल्हाधिकारी श्री. गुप्ता यांनी घेतला विविध योजनांचा आढावा…

——————–

प्रतिनिधी :

——————–

जिल्ह्यातील सर्व बँकांनी विविध योजनेचे देण्यात आलेले उद्दिष्ट वेळेत पूर्ण करावे, असे निर्देश जिल्हाधिकारी राहुल गुप्ता यांनी दिले.

येथील जिल्हाधिकारी कार्यालयात जिल्हाधिकारी राहुल गुप्ता यांच्या अध्यक्षतेखाली आज जिल्ह्यातील सर्व बँकाचे शाखा व्यवस्थापक व जिल्हा प्रतिनिधी यांची आढावा बैठक घेण्यात आली . त्यावेळी ते बोलत होते. यावेळी जिल्हा उद्योग केंद्राचे महाव्यवस्थापक अनिल कदम, कृषी उपसंचालक प्रसाद हजारे, जिल्हा ग्रामीण विकास यंत्रणेचे जिल्हा अभियान व्यवस्थापक मनोहर वाकडे, जिल्हा अग्रणी बँकेचे प्रमुख जिल्हा व्यवस्थापक सुजित झोडगे व सर्व बँकेचे जिल्हा समन्वयक बैठकीला उपस्थित होते. तर इतर शाखा व्यवस्थापक ऑनलाईन उपस्थित होते.

यावेळी बोलताना जिल्हाधिकारी श्री. गुप्ता म्हणाले, प्रधानमंत्री सूक्ष्म अन्न प्रक्रिया उद्योग योजना, प्रधानमंत्री स्वनिधी, मुख्यमंत्री रोजगार निर्मिती कार्यक्रम योजना, प्रधानमंत्री सुरक्षा विमा योजना, अटल पेन्शन योजना, जीवन ज्योती विमा योजना, पशुसवंर्धन व मत्स्यव्यवसाय विभागाच्या योजना, किसान क्रेडिट कार्ड, बचतगटांची कर्ज प्रकरणे आदी विविध योजनेसाठी देण्यात आलेले 50 टक्के उद्दिष्ट दि. 15 ऑक्टोबर, 2025 पर्यंत पूर्ण करावेत. तसेच रब्बी पीक कर्जाचे वितरण करुन वेळेत उद्दिष्ट पूर्ण करावेत, असे निर्देशही जिल्हाधिकारी श्री. गुप्ता यांनी यावेळी दिले.